You are here: HomeNEWSየህዝብ ተወካዮች ምክር ቤት ዶክተር አብይ አህመድን የኢፌዴሪ ጠቅላይ ሚኒስትር አድርጎ ሰየመ

የህዝብ ተወካዮች ምክር ቤት ዶክተር አብይ አህመድን የኢፌዴሪ ጠቅላይ ሚኒስትር አድርጎ ሰየመ Featured

Published in Latest News
Rate this item
(0 votes)

ኢትዬ ዴሞክራሲ፣ አዲስ አበባ (መጋቢት 24፣ 2010) - ምክር ቤቱ ዛሬ ባካሄደው ልዩ ስብሰባው ከኢህአዴግ በእጩነት የቀረቡለትን ዶክተር አብይ አህመድን ሹመት በሙሉ ድምፅ አፅድቋል።

 

አዲሱ ጠቅላይ ሚኒስትር ዶክተር አብይ አህመድም በህዝብ ተወካዮች ምክር ቤት ቀርበው ቃለ መሃላ ፈፅመዋል።

 

የኢፌዴሪ ጠቅላይ ሚኒስትር ሆነው ሲሰየሙ ለህገመንግስቱ ታማኝ በመሆን ከሀገሪቱ እና ከህዝቡ የተጣለባቸውን ሀላፊነት በቅንነት፣ በታታሪነት እንዲሁም ህግ እና ስርዓቱን መሰረት በማድረግ ስራቸውን ለመፈፀም ቃል ገብትዋል።

 

በመቀጠለም አዲሱ ጠቅላይ ሚኒስትር ዶክተር አብይ አህመድ እና ተሰናባቹ ጠቅላይ ሚኒስትር ኃይለማርያም ደሳለኝ የስልጣን ርክክብ አድርገዋል።

 

በሀገሪቱ ታሪክ በህዝብ ተወካዮች ምክር ቤት ተሰናባች እና ተተኪ ጠቅላይ ሚኒስትሮች በአንድ ላይ ተገናኝተው የስልጣን ርክክብም አድርገዋል።

 

 

በህዝብ ተወካዮች ምክር ቤት የነበረው ቆይታ እንደተጠናቀቀም ለአዲሱ ጠቅላይ ሚኒስትር ዶክተር አብይ አህመድ አቀባበል ስነ ስርዓት በጠቅላይ ሚንስትር ጽህፈት ቤት ተካሂዷል።

 

በአቀባበሉ ላይም የቀድሞው ጠቅላይ ሚንስትር ኃይለማርያም ደሳለኝና ሌሎች ከፍተኛ ባለስልጣናትም ጨምሮ የጠቅላይ ሚንስትሩ ባለቤት ቀዳማዊት እመቤት ወይዘሮ ዝናሽ ታያቸውም ተገኝተዋል፡፡

 

 

 

የቀድሞው የኢፌዴሪ ጠቅላይ ሚኒስትር አቶ ኃይለማርያም ደሳለኝ በፅህፈት ቤቱ ውስጥ የሚገኙ የተለያዩ ቢሮዎችን አዘዋውረው አስጎብኝተዋቸዋል።

 

የቀድሞው የኢፌዴሪ ጠቅላይ ሚኒስትር አቶ ኃይለማርያም ደሳለኝ በዚሁ ወቅት ባደረጉት ንግግርም፥ በቀጣይ ጊዜያት ዶክተር አብይን በሙሉ ልብ እንደሚደግፉ አስታውቀዋል።

 

የጠቅላይ ሚኒስትርነት ቀላል የሚባል ኃላፊነት አይደለም ያሉት የቀድሞ ጠቅላይ ሚኒስትር አቶ ኃይለማርያም፥ መሰዋዕትነትን ለመክፈል ለተዘጋጀ ሰው ግን በቀላሉ ማለፍ ይቻላል ብለዋል።

 

ዋናው ኃላፊነት የጠቅላይ ሚኒስትር አብይ አህመድ ቢሆንም፤ አስፈላጊውን ትብብር እና እገዛ ግን በማንኛውም ጊዜ ለመስጠት ዝግጁ መሆናቸውን የቀድሞ ጠቅላይ ሚኒስትር አቶ ኃይለማርያም ተናግረዋል።

 

አዲሱ ጠቅላይ ሚኒስትር ዶክተር አብይ አህመድ በበኩላቸው፥ የቀድሞ ጠቅላይ ሚኒስትር አቶ ኃይለማርያም ይህችን ሀገር ለመምራት ከባድ የሃላፊነት ጊዜን አሳልፈዋል፤ ለዚህም ምስጋና ይገባቸዋል ብለዋል።

 

አቶ ኃይለማርያም ሰላማዊ የስልጣን ሽግግር በማድረግም አርአያ መሆን እንደቻሉ የገለፁት ዶክተር አብይ፥ እሳቸውም በዚሁ መልኩ የስልጣን ሽግግር ማድረግ እንደሚፈልጉ ገልፀዋል።

 

ህዝብና መንግስት የሰጣቸውን ኃላፊነት በአግባቡ ለመወጣት እንደሚሰሩ ነው የገለፁት።

 

አዲሱ ጠቅላይ ሚኒስትር ዶክተር አብር አህመድ በዛሬው እለት በይፋ ስራቸውን ጀምረዋል። FBC

03161118
Today
Yesterday
This Month
Last Month
All days
3038
4118
86631
75600
3161118

Since April 1, 2014

Photo Gallery