You are here: HomeNEWSዶክተር አብይ አህመድ የኢፌዴሪ ጠቅላይ ሚኒስትር በመሆን በህዝብ ተወካዮች ምክር ቤት ይሰየማሉ - የኢህአዴግ ፅህፈት ቤት

ዶክተር አብይ አህመድ የኢፌዴሪ ጠቅላይ ሚኒስትር በመሆን በህዝብ ተወካዮች ምክር ቤት ይሰየማሉ - የኢህአዴግ ፅህፈት ቤት Featured

Published in Latest News
Rate this item
(0 votes)

ኢትዬ ዴሞክራሲ፣ አዲስ አበባ (መጋቢት 19፣ 2010) -  የኢህአዴግ ሊቀመንበር ምርጫ ግልፅ፣ ዴሞክራሲያዊና በትግል ላይ በተመሰረተ ሁኔታ የምክር ቤቱ አባላት በሚስጥር ድምፅ በሰጡበት አካሄድ መፈፀሙን የኢህአዴግ ፅህፈት ቤት አስታወቀ።

የፅህፈት ቤቱ ሃላፊ አቶ ሽፈራው ሽጉጤ ከግንባሩ ስራ አስፈጻሚ ኮሚቴ ትናንት እስከተጠናቀቀው የኢህአዴግ ምክር ቤት ስብሰባ የነበሩ ሂደቶችን በተመለከተ ዛሬ መግለጫ ሰጥተዋል።

በመግለጫቸውም ምርጫው በድርጅቱ ታሪክ ከመቼውም ጊዜ በተሻለ መልኩ በአባል ድርጅቶችና አመራሩ መካከል መቀራረብና መተማመንን በሚፈጥር መልኩ መከናወኑን ተናግረዋል።

ምርጫው ዴሞክራሲያዊ፣ ግልጽ ውይይት የተደረገበትና በትግል ላይ የተመሰረተ እንደነበር ጠቅሰው በሂደቱም ኢህአዴግ በድምር ማሸነፉን አንስተዋል።

ከዚህ ባለፈም ጓዳዊ ዝምድና በተግባርና በአመለካከት እንዲፈጠር በሚያደርግ ሁኔታ መከናወኑን ጠቁመው፥ አዲስ ለተተካው አመራር ሁሉም አካላት ድጋፍ ለማድረግ ከስምምነት መድረሳቸውንም ነው የተናገሩት።

በምርጫው የቀረቡ እጩዎችም ግልጽ ጥቆማ ቀርቦባቸው ጥልቅ ግምገማ የተደረገባቸው እንደሆኑም አስረድተዋል።

አቶ ሽፈራው በመግለጫቸው በኢህአዴግ ስራ አስፈጻሚ ኮሚቴና ምክር ቤት ስብሰባ ላይ፥ ኢህአዴግ ባካሄደው ስብሰባ የተቀመጡ አቅጣጫዎች መገምገማቸውን ገልጸዋል። 

በምርጫው ሂደት ላይ የብአዴን ተወካይ አቶ ደመቀ መኮንን ከምርጫ ሂደት መውጣት ከምርጫው ውጤት ጋር የሚያገናኘው ነገር እንደሌለም አስረድተዋል።

የግንባሩን ሊቀመንበር ለመምረጥ በተካሄደው ምርጫ በድርጅት ደረጃ የቀረበ እጩ አለመኖሩንም ነው የገለጹት።

በቀጣይ በግንባሩ በካቢኔ የሚደረግ ግምገማን መሰረት ባደረገ መልኩ የስልጣን ሽግሽግ ሊኖር እንደሚችል ጠቅሰው፥ ሽግሽጉ አስገዳጅ አይደለም ነው ያሉት።

አሁን በምርጫው የድርጅቱ ሊቀመንበር በመሆን የተመረጡት ዶክተር አብይ አህመድም፥ በአሰራሩ መሰረት ጠቅላይ ሚኒስትር እንደሚሆኑ ጠቅሰዋል።

ዶክተር አብይ በአሰራሩ መሰረት በህዝብ ተወካዮች ምክር ቤት የኢፌዴሪ ጠቅላይ ሚኒስትር ሆነው የሚሰየሙ ይሆናል።

ኢህአዴግ ከግንባር ወደ ፓርቲ ይቀየራል በሚለው ጉዳይ ላይም በነሃሴ ወር መጀመሪያ በሚካሄደው ቀጣዩ የኢህአዴግ ጠቅላላ ጉባኤ ጥናት ቀርቦ ውይይት እንዲደረግበት አቅጣጫ መቀመጡንም ጠቁመዋል።

የኢትዮጵያ ህዝቦች አብዮታዊ ዴሞክራሲያዊ ግንባር (ኢህአዴግ) ምክር ቤት ሲያካሂድ የነበረውን ግምገማና ስብሰባ ትናንት ነው ያጠናቀቀው።

ምክር ቤቱ በስብሰባው ማጠናቀቂያ ላይ የግንባሩን ሊቀመንበር ዶክተር አብይ አህመድን አድርጎ በመምረጥ ማጠናቀቁም ይታወሳል። FBC

03161113
Today
Yesterday
This Month
Last Month
All days
3033
4118
86626
75600
3161113

Since April 1, 2014

Photo Gallery