Tsenat Radio Interview with Investor Dawit G/Egziabeher

 
 
 
 
 
 

Follow Us

You are here: HomeNEWSበህዳሴ ግድብ ምክንያት የሚፈጠረው ሀይቅ ከሚያርፍበት መሬት ውስጥ 35 ሺህ ሄክታር የሚሆነውን መሬት ከደን የማፅዳት ስራ ተከናውኗል

በህዳሴ ግድብ ምክንያት የሚፈጠረው ሀይቅ ከሚያርፍበት መሬት ውስጥ 35 ሺህ ሄክታር የሚሆነውን መሬት ከደን የማፅዳት ስራ ተከናውኗል

Published in Latest News
Rate this item
(1 Vote)


ኢትዬ ዴሞክራሲ ጥቅምት 12/2009 - በታላቁ የኢትዮጵያ ህዳሴ ግድብ ምክንያት የሚፈጠረው ሀይቅ ከሚያርፍበት 123 ሺህ ሄክታር መሬት ውስጥ 35 ሺህ ሄክታር የሚሆነውን መሬት ከደን እና ከየትኛውም እፅዋት የማፅዳት ስራ መከናወኑ ተገለፀ።

ዛሬ በግድቡ አከባቢ የፋና ብሮድካስቲንግ ኮርፖሬት ሪፖርተር ተገኝቶ የግንባታውን ሂደት ተመልክቷል።

ውሃው የሚያርፍበት 123 ሺህ ሄክታር መሬት ከደን መፅዳቱ ወደ ታችኛው የተፋሰሱ አገራት የሚሄደው ውሃ ከእፅዋቶች ከሚወጣ የትኛውም መርዛማ ነገር ነፃ ሆኖ ሳይበከል እንዲጓዝ ለማስቻል ነው ተብሏል።

ሪፖርተራችን ከወትሮው በተለየ መልኩ የግድቡ ግንባታ ቀጥሎ አሁን ላይ ከ10 ኪሎ ሜትር ርቀት ላይ ታላቁ የኢትዮጵያ ህዳሴ ግድብ በቀላሉ እንደሚታይ ታዝቧል።

ግድቡ የሚያገናኛቸው የጉባ እና ፊዳል ተራራዎችም በዚህ ግድብ አሁን ላይ መገናኘታቸውንም ነው የተመለከተው።

የግድቡ ግንባታ በአሁኑ ወቅት 54 በመቶ ተጠናቋል።                       


        የህዳሴ ግድብ በተቀመጠለት ዲዛይንና የጊዜ ሰሌዳ ግንባታው ቀጥሏል ተጨማሪ ያንብቡ 


የኤሌክትሪክና የኃይድሮሊክ ስራዎች፣ የውሃ ማስተንፈሻና ሌሎችም መሰረታዊ የግንባታዎች ስራዎች በተቀመጠላቸው ዲዛይን መሰረት እየተከናወኑ መሆናቸውንም ነው የተመለከተው።

እስካሁንም ዋናው ግድብ በሚያርፍበት ቦታ ላይ መገንባት ካለበት 10 ነጥብ 1 ሚሊዮን ኪዩቢክ ሜትር የአርማታ ሙሌት ውስጥ 7 ሚሊዮን ያህሉ ተከናውኗል።

የውሃ ፍሰቱን ወደ ዋናው ግድብ አቅጣጫ የሚያመጣውና 5 ነጥብ 2 ኪሎ ሜትር የሚረዝመው የሳድል ዳም ሊሞላለት ከሚገባው 15 ሚሊዮን ኪዩቢክ ሜትር አለት ውስጥ 8 ሚሊዮን ያህሉ ተከናውኗል።

የአለት ሙሌት ከተከናወነለት የሳድል ዳም ውስጥ 1 ኪሎ ሜትር ርዝመት ያለው ቁመቱ የመጨረሻው 50 ሜትር ላይ የደረሰ ሲሆን፥ በ30 ሴንቲ ሜትር ውፍረት በኮንክሪት እየተለበጠም ይገኛል።

ለግድቡ ስራ ሲባል በአጠቃላይ እስካሁን 20 ሚሊዮን ኪዩቢክ ሜትር አለት መነሳቱም ነው የተነገረው።                  


        ህዳሴ ግድብ 54 በመቶ ተጠናቀቀ ሲባል ምን ማለት ነው…? ተጨማሪ ያንብቡ 


በአሁኑ ወቅት የግድቡ ግንባታ ስራ ለደቂቃ ሳይቋረጥ እየተከናወነ መሆኑን የታዘበን ሲሆን፥ አለትን በድማሚት የማፈንዳቱ እና ግድቡን በአርማታ የመሙላቱ ስራ ቀጥሏል።

በግድቡ ስፍራ ላይም 11 ሺህ ሰራተኞች በግንባታው እየተሳተፉ ሲሆን፥ ከእነዚህ ውስጥም 350 የሚሆኑት ከ35 አገራት የተውጣጡ የውጭ አገር ዜጎች ናቸው።

የታላቁ የኢትዮጵያ ህዳሴ ግድብ ግንባታው ሲጠናቀቅ 6 ሺህ ሜጋ ዋት የኤሌክትሪክ ሀይል ያመነጫል።

FBC

 

NEW: Tsenat Radio Interview with Investor Dawit G/Egziabeher (2)

 
02520473
Today
Yesterday
This Month
Last Month
All days
124
1668
34075
49611
2520473

Since April 1, 2014

Photo Gallery