Tsenat Radio Interview with Investor Dawit G/Egziabeher

 
 
 
 
 
 

የአዲስ አበባ ወጣቶች ፌዴሬሽን ም/ሊቀ መንበር በወቅታዊ ጉዳዬች ላይ ከጽናት ራዲዬ ጋር ያደረገው ቆይታ


 
 

Follow Us

You are here: HomeNEWSኢትዮጵያ በልማት እየገሰገሰች ነው ፡- ጠ/ሚ/ር ቤንያሚን ኔታንያሁ

ኢትዮጵያ በልማት እየገሰገሰች ነው ፡- ጠ/ሚ/ር ቤንያሚን ኔታንያሁ

Published in Latest News
Rate this item
(3 votes)


ኢትዬ ዴክራሲ ሰኔ 30/2008 - ኢትዮጵያ በልማት እየገሰገሰች መሆኗን የእስራኤሉ ጠቅላይ ሚንስተር ቤንያሚን ኔታንያሁ አስታወቁ፡፡
ጠቅላይ ሚንስትሩ በህዝብ ተወካዮች ምክር ቤት በመገኘት ንግግር አድርገዋል፡፡

ኢትዮጵያን ጨምሮ በተለያዩ የአፍሪካ ሀገራት ጉብኝት ያደረጉት ጠቅላይ ሚንስትሩ ኢትዮጵያም በልማት እየገሰገሰች ነው ብለዋል፡፡

እስራኤል በግብርና፣ በሃይል፣ በሳይንስ እና በጤና ዘርፍ ኢትዮጵያን ለመርዳት ዝግጁ መሆኗን ሀገሪቱ ጠቅላይ ሚንስተር ኔታንያሁ አስታወቀዋል፡፡

ኢትዮጵያን በመጎብኘት የመጀመሪያው ጠቅላይ ሚንስትር በመሆኔ ደስተኛ ነኝ ያሉት ጠቅላይ ሚንስትሩ ከወዲሁ በቀጣይ ኢትዮጵያን ስለመገብኘት እያሰብኩ ነው ብለዋል፡፡

የኢትዮጵያ እና የእስራኤል ትስስር ዘመናትን የተሻገረ መሆኑን የጠቆሙት ጠቅላይ ሚንስትሩ ኢትዮጵያ በእስራኤል ልብ ውስጥ አለች፡፡ እስራኤልም ኢትዮጵያ ልብ ውስጥ አለች ሲሉ አስታውቀዋል፡፡

ኢትዮጵያና እስራኤል ካላቸው የቆየ ታሪካዊ ግንኙነት በተጨማሪ ሀገራቱ ነጻነታቸውን ለማሰከበር ያደረጉት ትግልም ያመሳስላቸዋል ብለዋል፡፡  ከዚህ በተጨማሪ ሁለቱም ሀገራት ብዝሃነትን የማስተናገድ እና ሀገርን የመገንባት ጉዳይ እንደሚያመሳስላቸው ተናግረዋል፡፡

በአፍሪካ ጉብኝታቸው ሽብርተኝነትን ለማስወገድ መሰራት ስላለበት ጉዳይ መነጋገራቸውን ያስታወቁት ጠቅላይ ሚንስትር ኔታንያሁ አሸባሪዎችን በጋራ አንድ ሆነን ልንዋጋቸው ይጋባል ብለዋል፡፡ በሽብርተኝነት ላይ አብሮ መስራት በፍጥነት ውጤታማ እንድንሆን ያግዘናል ሲሉ አስታውቀዋል፡፡

የኢትዮጵያንም ሆነ የአፍሪካን እምቅ ሃይል ሳይ ኩራት ይሰማኛል ያሉት ጠቅላይ ሚንስትሩ ከጠቅላይ ሚንስትር ኃይለማርያም ደሳለኝ ጋር ውጤታማ ውይይት አድርገናል ብለዋል፡፡

የህዝብ ተወካዮች ምክር ቤት አፈ ጉባኤ አባዱላ ገመዳ በበኩላቸው እስራኤል በግብርና በሳይንስና ቴክኖሎጂ ያላት ተሞክሮ እ.አ.አ በ2025 መካከለኛ ገቢ ያላት ሀገር ለመገንባት ላለን አላማ ትልቅ ጠቀሜታ አለው ብለዋል፡፡

የሀገራቱ ግንኙነት እንዲጠናከር ልንረባረብ ይገባናል ያሉት አፈጉባኤው እስራኤላዊያን በኢንዱስትሪ እና በዘመናዊ ግብርና መሳተፍ የሀገራቱን ግንኙነቱ ያጠናክረዋል ሲሉ አስታውዋል፡፡

Tsenat Radio Interview with Investor Dawit G/Egziabeher (2)

 
02682667
Today
Yesterday
This Month
Last Month
All days
4673
5298
80596
64303
2682667

Since April 1, 2014

Photo Gallery